برغم التوهة والعتمة وحب سراب
أكون ....هتكون
تكون الفجر ... أكون الشمس
تكون الصمت ... أكون الهمس
تكون القسوة والحرمان ... أكون نسيان
لأني مش حجر صوان ..... أنا إنسان
لو ان القلب متغرب ما بين أغراب
لو ان العشق متيتم بدون أسباب
أمل كداب
أصدق في الهوى حبك ... أعيش جمبك
نحاول نقتل الأحزان
نعيش الحلم زي زمان
تكون دمي ... أكون رسمك
أدوب جوه حروف إسمك
نواجه نهزم التيار ... نكون إعصار
بلون الدم ... جراح جوايا إشفيها
ومر الصبر ... أيامي ولياليها
وتهنا في الدروب ... ضعنا
حرام نحيا ... بأوجاعنا
تموت ... وأموت
ونسكت ... ما كفايانا سكوت
ما بين الحزن جوايا وبين قلبي ... بنيت أسوار
ياخدني حنين ... أعدي السور
أنزل دمعة محبوسة ... في نني العين
أدوب في أنين
أخاف للجرح يئلمني ... أعود تاني
مادام تهواني ... إوعدني
تكون مني ... أكون منك
ولسه العمر قدامنا ... نحقق أغلى أحلامنا
ويبقى الحلم إن احنا ...
نحب الكون
تكون وأكون
أكون ..... هتكون
